ލޯކަލް ގަވަރމަންޓް އޮތޯރިޓީއިން ދެމުންދާ ހިދުމަތްތައް

1.      ލާމަރުކަޒީ ގާނޫނުގައި ބަޔާންކޮށްފައިވާ ކައުންސިލްތަކުގެ މަސައްކަތްތަކާއި ޙަރަކާތްތައް ހިނގަމުންދަނީ ގާނޫނު އަސާސީއާއި އެ ގާނޫނާއި އެހެނިހެން ގާނޫނުތަކާއި އެއްގޮތަށްތޯ ބެލުން.
2.      ކައުންސިލްތަކުގެ މަސައްކަތްތައް ގައުމީ ފެންވަރުގައި ވިލަރެސްކުރުން.
3.      ލާމަރުކަޒީ ގާނޫނުގައި  ލޯކަލް ގަވަރމަންޓް އޮތޯރިޓީން ކުރަންޖެހޭނެ ކަމަށް ކަނޑައަޅާފައިވާ އެހެނިހެން ކަންކަންކުރުން.
4.      ކައުންސިލްތަކުގެ މަސައްކަތްތަކާއި ހަރަކާތްތަކާއި ކައުންސިލްތަކުން އެކަށައަޅާ ގަވާއިދުތައް ހުންނަނީ އެއް އުސޫލަކުންތޯ ބަލައި ހުރިހާ ކައުންސިލްތަކުން އެއް ހަމަތަކަކާ އެއް އުސޫލުތަކެއް ދެމެހެއްޓުމަށް މަސައްކަތްކުރުން.
5.      އޮތޯރިޓީގެ ހިންގާ ގަވާއިދު ހެދުން.
6.      ލާމަރުކަޒީ އުސޫލުން ދިވެހިރާއްޖެ ހިންގުމަށްޓަކައި ބޭނުންވާ އިދާރީ އަދި ފަންނީ ގާބިލުކަން އިތުރުކުރުމަށްޓަކައި ދޭންޖެހޭ ތަމްރީންތައް ކަނޑައަޅައި، އެތަމްރީންތައް ދޭނެ އިންތިޒާމެއް ހަމަޖެއްސުން.
7.      މި ގާނޫނުގެ 57 ވަނަ މާއްދާގައި ބަޔާންކޮށްފައިވާ ގޮތުގެމަތިން ގައުމީ އިދާރާތަކުން ދޭ ހިދުމަތްތައް އިދާރީ ދާއިރާތަކުން ލިބޭނެ އިންތިޒާމު ހަމަޖެއްސުމަށްޓަކައި، އެ އިދާރާތަކަށް ބޭނުންވާ އެހީތެރިކަން ފޯރުކޮށްދިނުން.
8.      ދިވެހި ރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމާބެހޭ ސިޔާސަތުތައް، ސަރުކާރުން ކަނޑައަޅާ ގޮތެއްގެމަތިން ތަންފީޒުކުރުން.
9.      ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ނިޒާމާއި، ގައުމީ އިދާރާތަކުގެ މައިގަނޑު ސިޔާސަތުތަކާ އެއްގޮތްކޮށް، އެއް އަމާޒަކަށް ހިންގުމަށްޓަކައި ކުރަންޖެހޭ ކަންކަންކުރުމާއި ހަދަންޖެހޭ އުސޫލުތައް ހެދުން.
10.  މި ގާނޫނުގެ ދަށުން އިންތިހާބުކޮށް އުފެދިފައިވާ ކައުންސިލްތަކުގެ މަސްއޫލިއްޔަތުތައް އަދާކުރުމުގައާއި، ކައުންސިލްތަކުން ދޭ ހިދުމަތްތައް ފޯރުކޮށްދިނުމުގައި ކައުންސިލްތަކަށް ބޭނުންވާ އިދާރީ އަދި ފަންނީ އެހީތެރިކަން ފޯރުކޮށްދިނުން.
11.  ކައުންސިލްތައް ހިންގުމުގައި ހިފަހައްޓަންޖެހޭ އަސާސީ ސިފަތަކާއި މިނަގަނޑުތައް ހިފެހެއްޓުމަށް ހަދަންޖެހޭ އާއްމު އިޖުރާއީ ގަވާއިދުތައް ހަދައި އާއްމުކުރުމާއި، އެ ގަވާއިދުތަކާ އެއްގޮތަށް ކައުންސިލްތަކުން އަމަލުކުރަމުންދޭތޯ ބެލުން.
12.  ސިޔާސީގޮތުންނާއި އިގްތިސާދީގޮތުން އަންހެނުން ބާރުވެރިކުރުވާ، ހިންގުމުގެ ނިޒާމުގައި އަންހެނުންގެ ހިއްސާ އިތުރުކުރުން.
13.  އިންފޯމޭޝަން ޓެކްނޮލޮޖީގެ ވަސީލަތްތައް ބޭނުންކޮށްގެން ކައުންސިލްތަކުގެ ހިންގުމާއި ލޯކަލް ގަވަރނަނަސް ހަރުދަނާކުރުން.
14.  ކައުންސިލްތައް ހިންގުމުގައި އާއްމުންގެ ބައިވެރިވުން އިތުރުކުރުން.
15.  ލާމަރުކަޒީ ނިޒާމަށް ރައްޔިތުންނާއި ސަރުކާރުގެ އިތުބާރު ހޯދުން.
16.  ކައުންސިލްތަކުގެ މަސައްކަތްތަކުގެ އިންކުއަރީ އަދި މޮނިޓަރިން ކުރިޔަށްގެންދިޔުން.
މި ޕޭޖުގައިވާ ލިޔުން ލެޓަރހެޑުގައި ޑައުންލޯޑު ކުރުމަށް
LGA in dhemun dhaa khidhumaiythah
ޑައުންލޯޑް ކޮށްލާ (138.69 KB)